ائوده بیر ایل آه چکه رم خبر یوخ
ائوده ن چیخام من اویانا یار گلئی
تای توشلاریم چؤله چیخا گؤن چیخار
من چیخاندا یاغیش گئتسه قار گلئی
یازیخ قوزوم آجلیغا دؤز داریخما
بوگون صاباح باهار گلئی بار گلئی
بیزه گئله گئلمه یه بیر چال ائیده
قونشوموزا حیوا گلئی نارگلئی
خان ائوینه شئر گله قویروخ بولار
بیزیم ائوه کور ایت گله هار گلئی
خلقه قوناق گلئی گؤزو سورمه لی
بیزیم ائوده ن کور گئتمه میش کار گلئی
بختیمه آرواد نه چیخا بیلمیرم
بللی دی کی سارساغا سورسال گلئی
بیراوچ ائتک اندازادیر ائینیمه
سالیسبوری گئن گلمسه دار گلئی
دوولتلی یه یاس دا گئلسه اوینایار
بیز کاسیبا توی گله آخسار گلئی
غم یوکوندن کتخودانین حیسسه سی
خردل اولی بیزیمکی خالوار گلئی
کتده بیزی دوییرلر بیر هاوار یوخ
بیز بیر کلمه حق دانیشاق جار گلئی
دارقا شاییدلار بیزه سرکار چیخار
دار دیبینده قورتولا سردار گلئی
بوندان بئله اؤزگه گؤرن اؤزگه دن
میننت چکیر غیرتیمه عار گلئی
ایشچی تویوغ کسنده من باخانمام
بیلمم نئجه اؤره گیندن وار گلئی
غمده ن منیم بیر عینک وار گؤزومده
ایشیق آیدین گون گؤزومه تار گلئی
عشقین دؤشوب یادیما گؤزلر داشار
باهاردا سئل آتلانی چایلار گلئی
چوخ شاعیرین طبعی دونار بوزکیمی
شهریارین شعریده قاینار گلئی